Landsmót hestamanna sett með stæl

Landsmót hestamanna var sett með miklum glæsibrag á Hólum í gærkvöldi. Knapar og hestar fóru í hópreið inn á aðalvöllinn, og athöfnin þótti bæði hátíðleg og þjóðleg.

Elvar Einarsson, formaður hestamannafélagsins Skagfirðings, leiddi hópreiðina. Á eftir honum komu keppendur og fulltrúar frá öðrum hestamannafélögum.

Margir sérstakir gestir voru við athöfnina, þar á meðal Gísli Gunnarsson vígslubiskup og Logi Már Einarsson, ráðherra. Karlakórinn Heimir söng falleg lög og Guðmundur Ingvar Ásgeirsson söng einsöng með kórnum.

Landsmótið stendur yfir alla vikuna og lýkur á sunnudag.